湯盈盈同陳國邦早前出席無線新劇宣傳活動，仲帶埋佢地嘅寶貝女現身。
係一眾記者鏡頭下，陳國邦愛女陳禛就好有表演細胞，經常擺招積pose影相；而湯盈盈愛女錢凱晴Alyssa就比較文靜同怕羞，擺出呆萌樣，勁趣致！
兩個b女同湯盈盈陳國邦嘅另一半可謂餅印咁似。陳禛一頭曲髮，完全係迷你羅敏莊。而Alyssa就dna都唔洗驗，絕對係錢嘉樂愛女。
一向網友都唔鍾意藝人經常將仔女見報，覺得佢地將家事搬上報好煩。不過對於Mini 羅敏莊同Alyssa，網友就一反常態，表示完全唔覺得煩，仲覺得佢地好可愛，完全無反感！Mini 羅敏莊同Alyssa，咁得網友歡心，今次行運啦！
圖片來源：明報